জাননী ইয়াৰ দ্বাৰা নাজিৰাবাসী ৰাইজ তথা ব্যৱসায় প্ৰতিষ্ঠানসমূহৰ স্বত্তাধিকাৰীসকলক জ্ঞাতাৰ্থে জনাওঁ যে, নাজিৰা নগৰখন পৰিষ্কাৰ-পৰিচ্ছন্নতাৰ প্ৰতি লক্ষ্য ৰাখি কোনো ব্যক্তিয়ে য’তে ত’তে জাৱৰ-জোথৰ পেলাব নোৱাৰিব লগতে শুকান জাৱৰসমূহো জ্বলাই দিব নোৱাৰিব । প্ৰত্যেকেই ডাষ্টবিন ব্যৱহাৰ কৰাটো বাধ্যতামূলক । পৃথকিকৃত জাৱৰসমূহ ডাষ্টবিনত সংৰক্ষণ কৰি জাৱৰ-জোথৰসমূহ পৌৰসভাৰ নিৰ্দ্দিষ্ট যান-বাহনত জমা দিব লাগিব । এই নিয়ম অমান্য কৰি যদি কোনো ব্যৱসায় প্ৰতিষ্ঠানে তেওঁলোকৰ ব্যৱসায় প্ৰতিষ্ঠানৰ সন্মূখত অথবা তেওঁলোকৰ বাসস্থানৰ সন্মূখত জাৱৰ-জোথৰ পেলাই ৰখাৰ দৃষ্টিগোচৰ হয় তেতিয়া সেই জাৱৰ-জোথৰসমূহ আশে-পাশে থকা দোকানসমূহৰ / ঘৰৰ পৰা Solid Waste Management Rule 2016 ৰ অনুসৰি প্ৰথম অৱস্থাত ৫০০.০০ (আখৰেৰে পাঁচ শ) টকা, দ্বিতীয় অৱস্থাত ২,০০০.০০ (আখৰেৰে দুই হাজাৰ) টকা আৰু তৃতীয় অৱস্থাত একেই ভূলকে পুনৰাবৃত্তি কৰিলে উক্ত ব্যৱসায়িক প্ৰতিষ্ঠানক অনুজ্ঞাপত্ৰ বাতিল কৰাৰ লগতে প্ৰতিষ্ঠান বন্ধ (Seal) কৰি দিয়াৰ ব্যৱস্থা গ্ৰহণ কৰা হব । ইয়াৰ ওপৰিও পৰিবেশ, বন আৰু জলবায়ু পৰিবৰ্তন বিভাগৰ নিৰ্দেশনা আৰু প্লাষ্টিক আৱৰ্জনা ব্যৱস্থা (সংশোধনী) আইন ২০২১ অনুসৰি এবাৰ ব্যৱহাৰ কৰি পেলাই দিয়া প্লাষ্টিক (গ্লাচ, প্লেট, চামুচ, ষ্টীক) আইচ ক্ৰীমৰ ষ্টীক, প্লাষ্টিকৰ পতাকা, এশ মাইক্ৰনৰ PVC বেনাৰ , এশ বিছ মাইক্ৰনৰ (120 Micron) ৰ তলৰ কেৰিবেগ জমা কৰা, বিক্ৰী কৰা আৰু ব্যৱহাৰ কৰা সম্পূৰ্ণভাৱে নিষিদ্ধ কৰা হৈছে । নিষিদ্ধ কৰা সামগ্ৰীসমূহ কোনো ব্যক্তিয়ে ব্যৱহাৰ কৰিলে Plastic Waste Management Rule 2016 ৰ অনুসৰি প্ৰতি কেজিৰ বিপৰীতে ১০০ (আখৰেৰে এশ) টকাকৈ জৰিমনা বিহা হব প্ৰথম আৰু দ্বিতীয় অৱস্থাত, একেটা ভূলকে তৃতীয়বাৰলৈকে পুনাৰাবৃত্তি কৰিলে উক্ত ব্যৱসায়িক প্ৰতিষ্ঠানৰ অনুজ্ঞাপত্ৰ বাতিল কৰাৰ লগতে প্ৰতিষ্ঠান বন্ধ (Seal) কৰি দিয়াৰ ব্যৱস্থা গ্ৰহণ কৰা হব । নাজিৰা নগৰখন পৰিষ্কাৰ-পৰিচ্ছন্নতাৰ লগতে প্লাষ্টিকমুক্ত আৰু প্ৰদূষণমুক্ত নগৰ হিচাবে গঢ়ি তুলাত সকলোৰে সহায় সহযোগিতা কামনা কৰিলো ।